શીનાઘ પ્યુની આ નાની અમથી કવિતા ‘ક્યારેક’ અભૂતપૂર્વ લોકપ્રિયતા પામી છે.

#ક્યારેક  શીનાઘ પ્યુની આ નાની અમથી કવિતા ‘ક્યારેક’ અભૂતપૂર્વ લોકપ્રિયતા પામી છે.

ક્યારેક બદમાંથી ચીજો બદતર નથી બનતી કદી,

ને કંઈક વર્ષો દ્રાક્ષ પણ હંફાવે છે હિમપાતને;

હરિયાળી ફૂલે-ફાલે, નિષ્ફળ પાક પણ જાતો નથી,

ક્યારેક માણસ ઊંચું તાકે, ને બધું સારું બને.

ક્યારેક લોકો પાછી પાની પણ કરે છે યુદ્ધથી;

ચૂંટે છે પ્રામાણિકને, ને કાળજી પૂરતી કરે,

કે કોઈ અણજાણ્યો ગરીબીમાં ન સબડે ભૂલથી.

કેટલાક લોકો જે થવાને જન્મ્યા છે, બસ, એ બને.

ક્યારેક કોશિશ શ્રેષ્ઠતમ એળે ન જાતી આપણી,

ક્યારેક જે કરવા વિચાર્યું હોય એ કરીએ છીએ.

સંતાપનું મેદાન જે થીજ્યું પડ્યું હો કાયમી

પીગાળશે ક્યારેક સૂરજ: આવું તમને પણ ફળે.

– શીનાઘ પ્યુ

(અનુ. વિવેક મનહર ટેલર)